Праграма “Адукацыя ў сферы права і правоў чалавека” мае на мэце ўдасканаленне кваліфікацыі спецыялістаў сферы фармальнай і нефармальнай адукацыі (настаўнікі, выкладчыкі ВНУ, спецыялісты дадатковай адукацыі, трэнеры) у галіне права і правоў чалавека.

У межах праграмы распрацоўваюцца і адаптуюцца метадычныя матэрыялы, праводзяцца трэнінгі (у т.л. трэнінгі для трэнераў), семінары, канферэнцыі. Спецыялісты арганізацыі бяруць удзел у выпрацоўцы прапаноў па ўдасканаленні сістэмы адукацыі ў сферы правоў чалавека ў Беларусі і Ўсходнееўрапейскім рэгіёне ў кантэксце больш поўнага забеспячэння права на адукацыю ў галіне правоў чалавека.

Адукацыйныя праграмы павышэння прафесійных кампетэнцый спецыялістаў у сферы права і правоў чалавека праводзяцца высокакваліфікаванымі трэнерамі арганізацыі і запрошанымі экспертамі як у межах праектаў Грамадскага аб’яднання “ВІТ”, так і па замове зацікаўленых асоб і арганізацый.

З метадычнымі і навучальнымі матэрыяламі Грамадскага аб’яднання “ВІТ” у сферы права і правоў чалавека можна пазнаёміцца ў раздзеле “Бібліятэка”.