Прайшла першая вочная сесія ў межах вочна-дыстанцыйнага курса для адукатараў

21 жніўня прайшла першая вочная сесія ў межах вочна-дыстанцыйнага курса для адукатараў. Курс будзе адбывацца з жніўня па лістапад 2016 года на базе Платформы дыстанцыйнага навучання грамадскага аб’яднання «ВІТ».

Мэта навучальнага курса: павышэнне прафесійных кампетэнцый адукатараў, якія працуюць у сферы дадатковай адукацыі дарослых для пашырэння і павышэння якасці адукацыйных праектаў і праграм для розных груп насельніцтва Гродзенскай вобласці.

На працягу курса ўдзельнікі пазнаёмяцца з сучаснымі падыходамі да адукацыі дарослых і стандартамі нефармальнай адукацыі; удасканаляць прафесійныя кампетэнцыі ў галіне арганізацыі, распрацоўкі, правядзення і ацэнкі адукацыйных праграм для розных мэтавых груп; распрацуюць уласную адукацыйную праграму, якую змогуць правесці на мясцовым узроўні пасля заканчэння навучальнага курса.

Першую сесію курса правёў дасведчаны трэнер Віталь Нікановіч, сябар грамадскага аб’яднання «ВІТ».

Адукацыйны курс праводзіцца ў межах праекта «Пашырэнне доступу да дадатковай адукацыі дарослых праз распрацоўку і ўкараненне эксперыментальных вочна-дыстанцыйных курсаў Гродзенскага абласнога грамадскага аб'яднання маладых навукоўцаў «ВІТ», які рэалізуецца пры падтрымцы Фонда “Еўразія” за кошт сродкаў Агенцтва ЗША па міжнародным развіцці.