Экскурсія па гарадскіх могілках у Гродне

Адзін з куратараў гродзенскай Школы краязнаўцаў Андрэй Вашкевіч правёў у суботу 24 верасня экскурсію па некропалі па вуліцы Антонава. У экскурсіі бралі ўдзел слухачы Школы краязнаўцаў, якія на практычных прыкладах пазнаёміліся са спецыфікай такога кшталту экскурсій.

Могілкі, напраўду, непросты аб'ект для экскурсійна-пазнавальнага турызму, але адзін з важнейшых элементаў нашай духоўнай спадчыны. Бляскучая экскурсія-лекцыя па старым каталіцкім і праваслаўным могілкам Андрэя Вашкевіча, насычаная якравымі прыкладамі, дэталёвымі тлумачэннямі і запамінальнымі разважаннямі, наўрад ці каго пакінула абыякавым да гэтага кутка Гародні. Чарговы раз дакранаючыся да найстаражытняйшага беларускага некропаля, бычыш гістарычную памяць у выглядзе пахаванняў і надмагілляў.