Прайшла трэцяя вочная сесія Адукацыйнага курса для трэнераў і менеджэраў праграм дадатковай адукацыі

У Гродне ў суботу, 26 лістапада 2016 года, адбылася трэцяя вочная сесія Адукацыйнага курса для трэнераў і менеджэраў праграм дадатковай адукацыі. Па выніках сесіі ўдзельнікі да 10 снежня 2016 года павінны скончыць выкананне практыкума і прадаставіць справаздачы, што будзе падставай для атрыманне сертыфіката па выніках паспяховага праходжання курса.

У якасці практыкума ўдзельнікі распрацоўваюць уласныя адукацыйныя праграмы, якія правядуць у 2017 годзе для мясцовых жыхароў. Справаздача ўключае прадастаўленне анонса навучальнага курса, яго праграмы, трэнерскай табліцы, плана падрыхтоўкі, навучальных матэрыялаў і інструментаў ацэнкі вынікаў навучання.

 Курс праводзіўся ў межах Праекта «Пашырэнне доступу да дадатковай адукацыі дарослых праз распрацоўку і ўкараненне эксперыментальных вочна-дыстанцыйных курсаў Гродзенскага абласнога грамадскага аб'яднання маладых навукоўцаў «ВІТ», які рэалізуецца пры падтрымцы Фонду “Еўразія” за кошт сродкаў Агенцтва ЗША па міжнародным развіцці. Праект зарэгістраваны ў Дэпартаменце па гуманітарнай дзейнасці Упраўлення справамі Прэзідэнта Рэспублікі Беларусь (Пасведчанне № 03-10/5 ад 11.05.2016)