Дапамагаем развіццю грамадзянскай супольнасці

11 ліпеня 2017 года было зарэгістравана грамадскае аб’яднанне развіцця сельскіх тэрыторый «Наш край». Ініцыятары заснавання аб’яднання – актыўныя жыхары Шчучынскага і Лідскага раёнаў.

Арганізацыя ставіць перад сабой мэты комплекснага развіцця сельскай мясцовасці для стварэння лепшых умоў для пражывання, працы і самарэалізацыі сельскіх жыхароў; сацыяльную актывізацыю жыхароў сельскай мясцовасці праз адукацыйныя, сацыяльна-культурныя, экалагічныя, дабрачынныя і іншыя праграмы і мерапрыемствы.

Прадтрымку ў стварэнні і планаванні дзейнасці Грамадскага аб’яднання «Наш край» аказалі сябры Грамадскага аб’яднання «ВІТ» у межах сумеснай ініцыятывы «Актывізацыя сацыяльна-эканамічнага развіцця тэрыторыі Жалудоцкі сельсавета» праекта міжнароднай тэхнічнай дапамогі «Пашырэнне эканамічных магчымасцяў у сельскай Беларусі», што рэалізуецца Інфармацыйна-асветніцкай ўстановай «Новая Еўразія».