Новыя магчымасці Стараму гораду

"Новыя магчымасці Стараму гораду" - так называўся праект, паспяхова рэалізаваны Грамадскім аб'яднаннем "ВІТ" у 2003-2004 гг. пры падтрымцы беларускага прадстаўніцтва Альянса Партнерства Каунтэрпарт (САР).

У межах праекта былі вывучаны і прыярытэзаваны патрэбы жыхароў цэнтральнай часткі Гародні, а таксама створана сістэма ўзаемадзеяння па вырашэнні мясцовых праблем у выглядзе Грамадскага клуба "Стары горад". Пад час праекта былі праведзены буйныя грамадскія акцыі - прыборка тэрыторыі Старога і Новага замкаў, а таксама правядзенне Калядавання ў цэнтральнай частцы горада.

Пасля сканчэння праекта працягваецца праца ў трох групах - (1) захаванне гісторыка-культурнай спадчыны, (2) паляпшэнне турыстычнай інфраструктуры і (3) стварэнне магчымасцяў для дадатковай адукацыі моладзі і дарослых.